July 4, 2024: Minister for Health & Family Welfare P. Paiwang Konyak para Hotel Vivor Kohima deh ECHO India Partner training porgramme launch kuri shae.
Launching program deh kotha kura time deh, P. Paiwang Konyak para ECHO India Initiative tho, ekta zaruri milestone mark kureh kui shae, healthcare delivery deh taka gap keh bridge kuri bole. Tai para etu initiative tho state laka sob corner deh quality care punchi bole ensure kuri deh kui shae. Nagaland statehood pah time deh, mukan laka health infrastructure kan tho under-equipped taki shae, limited access lokot deh. Aji, state deh taka health care facilities kan tho sob district hospitals kan deh bishi enhance hui nah ase. Mukan lokot deh itia TB and Chest Disease Hospitals ase, ekta State Mental Health Institute, Community Health Centres ase aro mukan laka state first medical College ase. Mon Medical College laka construction tho full swing deh ase aro Nursing College karne foundation stone tho pipeline deh ase, Minister para kui shae.
‘Tai para ECHO Indian partners, supporters keh taila kusi express kuri shae, dedicated healthcare professionals kan keh training dib oleh aha karne aro India deh healthcare bhal kuri bole laka commitment tho commendable ase kui shae.
Welcome address tho MD NHM Dr. Akou Sorhie, Directorate of Health & Family Welfare Deaprtment para deliver kuri shae. ECHO Partner Training program tho two date event ase, kuteh ECHO model aro taikan laka pillars, Core thems aro principles kan cover kuri bo. Etu heh nahoi nah Co-Management laka process aro framework nishi nah kan kan cover kuri bole ase. 5th July deh, case presentation, template development, ECHO Champion program laka snapshots aro strategic group break nishi nah kan topics kan cover kuri bo.
Add Comment