July 4, 2024: Extreme monsoon weather para State laka jaka kan deh widespread damage cause kuri shae. NSDMA, Home Department kan ghor, rasta, bridge, fishery ponds, paddy field, jhum cultivation laka damage deh aro human lives laka loss deh report pai shae, kuto natural calamity para ani shae.
Tuensang district deh, pani para tuita bacha keh lui jah laka report pai shae. Etu incident tho Kejok Bosti deh hui shae aro taikan keh Ayong nullah para lui jai shae, June 28 din deh. Etu eki din deh ekta bacha laka body tho recover kuri bole pari shae. Utu alak bacha laka body karne search operation tho 3th din tak chalu taki shae aro mura bacha laka baba keh hudi nah peration tho rukai di shae.
Assessment laka report isap deh, Er-in-charge para Mangangkhi aro Tangli laka majo deh taka rasta deh ekta one-way-traffic restore kuri nah ase kui shae, hoile rasta laka upor deh taka mati tho stable nataka karne, mud clearing shuru kuri nah ase, short term maintenance contract (STMC) team laka motot lokot deh.
Reports laka isap deh, ekta youth, Tseminyu district laka Nsonji Lake deh dubi jai shae. Serach aro rescue koshish deh motot pabo karne National Disaster response Force kehmati shae. Search aro rescue mission, kuteh NDRF,DDMA Tseminyu aro local volunteers kan taki shae, etu tho rukai di shae, body tho successfully, July 1, 2024, 4:40 pm deh recover kura piche deh.
Mokokchung district laka alak alak wards kan deh landslide hui shae kuto para mana taka jaka keh affect kuri shae.
Kiphire district deh pani giri taka tho. Forest Ward, Medical War, Kiphire-Amahator road, Kiza Colony aro Jail ward deh taka public infrastructures aro kandan kan keh damage cause kuri shae. Enaka hua tho kandan kan bishi keh evacuate kuri bole laki jai shae Fakim/Tsundang, Pungro sub-division, Tsuvong ward, Pungro sub-division aro Sitimi, Shisim majo deh b landslides/blockages kan report ahi shae. Mudslide taka karne, Penkim aro Fakim, Tsundang, Sangtsong, Vongtsuvong lokot deh connect nahua hui shae. Khonjiri aro mimi laka majo deh b aro ekta rockslide report hui shae. Landslide kan taka karne b Thanamir deh jah rasta tho kati nah ase.
Report isap deh June 29th din deh, pani laka current para ekta youth keh lui jai shae, Kohima district laka Dzuvuru stream deh. DDMA Kohima, SDRF aro local volunteers kan ekta search aro rescue operation conduct kuri shae. Search aro rescue operation tho pas din tak punchi shae hoile b body tho pah taka nai. Etu mamla tho DDMA Wokha aro Zunheboto keh janai di nah ase. Zunheboto (Lazami jaka) aro Doyang Dam jaka deh search operation b kuri ase.
Noklak district deh, landslide ekta report hui shae, Punyaongan Ward 4, Punyaongan region aro Sanglao bosti para. Pani bishi gira karne, rasta kan bia hui nah ase aro Chingmei aro Noklak majo deh raod sinking b report hui nah ase.
Zunheboto district, landslide kan para ghor kan keh bishi bangi di shae, DC Hill West, Zunheboto deh. Phek laka Zhavame bosti para b paddy field bia hua laka report kuri shae, flash floods kan hua karne.
Shamator district para Shiponger aro Muksuke birdges kuto Chessor aro Y Anner majo deh ase, etu bridges kan b flash flood para bangai di nah ase kui nah report pai shae.
Peren district para tening-Nsong rasta deh landslides kan hui shae kui nah report kuri shae. DDMA Peren aro concerned deh taka departments kan para rasta kan tho saba kuri ase.
NSDMA, home Departments kan etu report file kura time deh itia b damage report tho complie kuri ase. NSDMA para District Disaster Management Authorities aro line departments kan keh alert aro vigilant taki bole request kuri ase, monsoon season aha karne.
Add Comment