July 6, 2024: Sunita Kejriwal, kun jailed Delhi chief minister Arvind Kejriwal laka maike ase, tai para Saturday din deh ekta video message release kuri shae. Video message deh tai para, taila husband tho “deep political conspiracy” laka ekta victim ase kui shae aro ‘victim laka false statement’ deh arrest kuri nah ase kui shae ED para.
‘NDA MP Magunta Sreenisaula Reddy laka ekta statement karne, Kejriwal ji keh arrest kuri di shae. December 17, 2022 din deh, ED para MSER laka residence deh ekta raid conduct kuri shae aro taikeh, tai kitia b Kejriwal lokot deh mili shae nah nai hudi shae. Tai para ‘hoi, Delhi deh mati kini bo karne mui taike mili shae,’ kui shae. ED tho taila statement lokot deh kushi taka nai. ED para taila bacha keh b arrest kuri di shae,” PTI para Sunita Kejriwal keh quote kuri nah kui shae.
“MSR laka kandan kan itia dictar deh ase. MSR, July 17, 2024 din deh taila statement tho change kuri di shae. Tai para, tai, Kejriwal keh mili shae kui shae aro Kejriwal para taike liquor business shuru kuri b kui shae Delhi deh aro return deh, AAP keh RS 100 crore d b. Aha din deh, MSR laka bacha tho jail para release kuri shae, bail deh. Etu tho baka baki misa ase,” tai para kui shae.
Sunita Kejriwal para manu kan keh, Delhi chief minister keh support kuri b kui shae. Sunita para tai tho honest, educated aro patriotic manu ase kui shae aro public taike support nakuri leh, educated manu kan kun b politics deh gusi bole mun nata kibo kui shae.
Add Comment