July 06, 2024: Peren, Jalukie aru Tening Town Councils khan laga otun para elect hoi kena thaka member khan nimitey, affirmation laga ekta kosom khawa laga ceremony loishey, DC laga Conference Hall tey para, Peren laga, 5th July, 2024 tey.
Peren laga Deputy Commissioner – Vineet Kumar para itu affirmation laga kosom khawa toh administer kurishey, itu elect koi kena thaka member khan karney, itu Section 60A laga hisap tey, itu Nagaland Municipal Act, 2023 laga, tai laga address tey, itu town councillor khan ke congratulate kurishey, District Administration laga behalf tey aru itu occasion toh hoiley historic ekta asey koi kena describe kurishey, itu ULB Elction toh, kuntu toh hoiley successful para loboley parishey, 20 saal laga gap thaka pichetey, 33% reservation maiki khan nimitey thaki kena, poila bar. Aru bhi tai para itu elect hoi kena thaka member khan ke encourage kurishey, sincere para kaam kuriboley, itu tai khan laga respective ward khan nimitey, particular tey aru Peren district tey pura milai kena.
Itu ceremony laga homoi tey, itu di kena thaka member khan ke toh hoiley elect kurishey, itu Chairperson aru Deputy Chairperson laga post nimitey, tai khan laga respective Town khan para, kun khan laga naam toh hoiley forward kuridiboley asey, itu Government karney, lagi thaka approval nimitey.
Peren Town Council Para: Mireulung Sephe (NDPP) ke Chairperson aru Hunganbo (NDPP) ke Deputy Chairperson hisap elect kurishey.
Jalukie Town Council Para: Hadi (NDPP) ke Chairperson aru Tingba hegui (NDPP) ke Deputy Chairperson elect kurishey.
Tening Town Council Para: Lungchui (NDPP) ke Chairperson aru Pauzin Rentta (Independent) ke Deputy Chairperson elect kurishey.
Add Comment