Rahul Gandhi, displaced Manipur residents kan lokot deh mili shae

July 8, 2024: Lok Sabha laka Leader of Opposition (LoP) aro Congress MP, Rahul Gandhi, Monday din deh, Manipur laka Jiribam district para displaced hua manu kan keh mii shae. Displaced hua manu kan tho Assam deh shelter lui ase itia. Gandhi, tai 10am nishi nah phale Silichar airport deh punchi jai shae aro Lakhipur laka Hmarkhawlien jaka deh jai shae, ekta relief camp deh bua manu kan keh mili bo karne. Taila visit time deh, tai tateh taka manu kan keh mili shae aro Parliament deh taikan laka issues tho utha bo kui nah assure kuri shae. Displaced hua manu kan para Gandhi keh ekta memorandum b submit kuri shae. Memorandum tho taikan laka issues deh taki shae, kuto taikan keh affect kureh.. State deh ethnic clashes kan taka tho violence olai jai shae jua mohina. Enaka hua karne Manipur laka Jiribam jaka deh taka 1,700 manu kan, neighboring Assam deh gusi jai shae, shelter pabo karne. Rahul Gandhi, tai relief camp deh jah piche deh, tai, Manipur laka Jiribam, deh jabo leh ase, Jiribam higher Secondary School deh taka relief camp keh visit kuri bo karne.