Sprint stars Shelly-ann Fraser-Pryce aro Shericka Jackson, Paris 2024 Olympics karney Jamaican Tean ke lead kurishey

Paris, 8 July : Olympic champions Shelly-

Ann Fraser-Pryce aro Shericka Jackson, 66 athletes laga ekta team ke lead kuribi kuntu Paris 2024 Olympics dey 17 track aro field events dey Jamaica ke represent kuriboley uthaishey.

Sprint legend Fraser-Pryce toh mahila laga 100m dey tai laga fifth aro final khel compete kuribo, Jackson logot, dash aro 200m tuita dey bhi tai laga first individual Olympic gold target kurina.

Itu tuita leading figures toh 4x100m relay team laga bhi ekta part thakibo kutey Tia

Clayton, Shashalee Forbes milaina asey, kitia Alana Reid ekta reserve nishna asey.

Taikhan ke itu saal laga mota 100m dey sobse tez mota para join kuri asey, Kishane Thompson kun laga personal best 9.77 seconds asey. Oblique Seville, Tokyo dey 100m dey fourth aro Ackeem Blake bhi Paris dey thakibo.

Itu trio toh Olympic title reclaim kuriboley kosis kuribo kuntu jaa par sobse tez mota para jitishey, Usain Bolt, Rio 2016 Olympics dey.

Two-time double Olympic gold medallist Elaine Thompson-Herah aro world 400m world champion Antonio Watson taijun jokhum karoney miss out huishey.

100m hurdles world champion Danielle Williams, two-time World Championships bronze medallist Rushell Clayton, 800m specialist Natoya Goule- Toppin bhi Paris dey Caribbean nation ke represent kuriboley uthaishey.

Field events dey, dangor naam toh Jaydon Hibbert aro Shanieka Rickets asey mota aro mahila laga triple jump dey.