July 09, 2024: Itu July muhina nimitey Sub Divisional Planning aru Developmental Board, Bhandari, (SDPDB) laga meeting loishey, itu notun para Summer House- Cum- Guest House inaugurate kuri kena, Bhandari tey.
MLA & Chairman, SDPDB Bhandari, Achumbemo Kikon para tai laga opening remark tey, notun member khan ke welcome kurishey, itu house tey aru congratulate kurishey itu notun para elect hoi kena thaka Councillor khan ke, kun khan toh hoiley successful para ulaishey, itu recent para khotom kuria laga Urban Local Bosy (ULB) Election toh, itu Town Council Bhandari karney. Tai para itu ADC & RO, Bhandari, Longdiba L. Sangtam aru tai laga officer khan laga team ke bhi laud kurishey, itu ELB election toh free aru fair manner para conduct kuria nimitey, shanti thaki di kena. Itu lamba homoi para rukhi thaka Town Council election toh hoiley itya hosa para bhi hoi kena asey, kuntu toh hoiley notun shuruwat kurishey laga mark kurey, aru bhi systematic aru progress ensure kuri kena, itu manu khan nimitey, tai para koishey.
Managing Director & CEO, State Agricultural Produce & Livestock Marketing Board (SAPLMB) Dimapur, Nagaland, Jacob Yanthan para ekta brief overview present kurishey, Nagaland State Agricultural Produce & Livestock Marketing laga aru state kurishey ki, itu Board, 22 APMC aru 1100 bosti khan para bhi bishi Marketing Committee khan ke toh hoiley constitute kuri dishey, itu sob 16 district khan ke cover kuri kena, itu Nagaland laga State laga.
Tai para state kurishey ki, Bhandari para ekta interim Committee bhi constitute kurishey, 15 member khan laga, APMC under tey, farmer khan ke link up kuriboley.
Add Comment