Maiki Khan Toh India Laga Alag State Khan Tey Para NE State Khan Tey Hey Safe Asey, NCW Laga Chairperson Para Koishey

July 09, 2024: National Commission for Women (NCW) laga Chairperson – Rekha Sharma para Monday tey koishey ki, maiki khan toh itu North Eastern state khan tey bishi safe thakey, itu country laga alag state khan tey para toh. “Moi koboley parey ki, Northeast toh itya bhi bishi safe asey maiki khan nimitey, judi apni itu India laga plain jaga khan logotey compare kuri sailey nahoiley North India logotey milai sailey, kotey toh hoiley bishi brutal case khan register kuri kena asey,” Sharma para reporter khan ke koishey, regional capacity building workshop laga sideline khan opor tey, entrepreneurship promote kuri kena, maiki khan bhitor tey, NER laga, non-timber forest produce opor tey, Meghalaya tey.