‘India keh biswas ase’: US Pentagon

July 10, 2024: Pentagon para United States, India keh ekta strategic partner nishi nah sai taki bo kui shae aro India kan, Ukraine laka just aro enduring peace karne support kuri taki bo kui nah mukan biswas ase kui shae. “India aro Russia kan bishi deri karne ekta relationship taki nah ahi ase. US laka sah isap deh, India tho ekta strategic partner ase, kun mukan, full aro frank dialogue deh engage kuri nah ahi ase. NATO summit deh relate taka karne, of course, apni kan nishi nah, dunia b utu deh focus ase,” Pentagon press secretary major general Pat Ryder para New York deh taka ekta press conference deh kui shae. Modi laka tui din visit time deh, Joe Biden administration para taikan laka jinta tho puila para he kui di shae. “Indian kan Ukraine laka just aro enduring peace karne efforts tho support kuri taki bo kui nah, mukan biswas ase. Aro india kan, Putin keh, UN Charter tho follow kuri b kui nah ku b leh biswas ase, mukan,” tai para kui shae.