July 10, 2024: Power minister KG Kenye para toh hoiley Power laga Union Minister, Housing & Urban Affiars – Manohar Lal ke urge kurishey, development kuriboley consider kuriboley koishey, komti koiley bhi 500 mw laga hydro project khan, Nagaland state tey.
Ekta conference tey participate kuri kena, power minister, North Eastern state khan laga aru Sikkim laga, Guwahati tey, Tuesday tey, kuntu toh hoiley Lal para chair kurishey, Kenye para stress kurishey itu lamba homoi para pending thaki kena aha lagi thaka toh, power generate kuria boost kuriboley laga, itu state tey, kotey toh 1000 mw tak generate kuriboley laga potential asey.
Eneka thakilebi, tai para disappointment express kurishey ki, eku hydro project khan toh hoiley sanction kuria nai, itya tak bhi, itu state government para eman effort dhalishey koilebi. Kenye para itu bhi request kurishey, itu Union Minister ke, north – eastern state khan ke aru bhi relaxation diboley, itu guideline khan tey, Central- sponsored scheme khan implement kuriboley, itu Revamped Distribution Sector Scheme (RDSS) laga particular para reference kuri kena.
Tai para aru bhi koishey itu Nagaland laga request, itu Lineman Training Centre building infrastructure, itu Capacity Building aru Institutional Strengthening (CBIS), North Eastern Region Power System Improvement Project (NERPSIP) under tey toh pending asey, kuntu karney toh Lal para agree kurishey koishey.
Add Comment