Kathu attack: Police para 50 jun keh detain kuri shae

July 11,2024: Jammu And Kashmir deh taka authorities kan para 50 manu kan keh detain kuri shae, questioning kan kuri bo karne. Authorities kan terrorist kan karne bisari ase, kun kan ekta Army gari keh ambush kuri shae. Etu ambush deh pastha army personnel muri jai shae. Officials laka isap deh, ekta truck, army gari laka pichae deh hili taki shae, ekta mountain jaka deh. Gari tho Lohai Malhar deh taka Badnota bosti deh rukhi shae, kuteh terrorist kan tuita direction para hamla kuri shae. Hamla hua tho pastha army personnel muri jai shae. Tateh para ekta tho junior Commissioned Officer taki shae. Authorities kan convoy keh delay kuri bo karne, driver tho jani jani nah culvert para jabo leh request kuri shae nah nai, etu investigate kuri ase. Pani kan bishi gira taki leh b, army aro police kan para thick forest deh ekta large scale search operation kuri ase itia.  Operation kuti Kathua, Udhampur aro Bhaderwah para shuru hui shae, etu deh 50 jun keh detain kuri nah ase, questioning kan kuri bo karne.