ISL 2024-25: Mumbai City FC para Greek Forward Nikolaos Karelis ke sign kurishey

Mumbai, 11 July : Mumbai City FC para Thursday dey Greek striker Nikolaos Karelis ke sign kuria janai dishey, ahi

thakia Indian Super League season agey dey.

Itu 32-saal, kun ke Nikos Karelis kuina bhi janey, India dey tai laga maiden stint karney set asey. Tai Ergotelis logot tai laga youth career shuru kurishey aro 2007 dey taikhan logot tai laga senior professional debut kurishey.

Karelis para seven clubs karney khilishey, Russia (Amkar Perm), Belgium (Genk), England (Brentford) aro Netherlands (ADO Den Haag) dey stints milaina. Mumbai City FC toh tai laga eighth club hubo.

Karelis para 361 professional matches dey 103 goals logot 29 assists net kurishey, kitia ekta club dey tai laga sobse bhaal performance toh Panathinaikos karney thakishey, kun karney tai para 114 competitive khel dey 36 goals score kurishey.

Itu 2014-15 season toh tai laga standout thakishey kitia Karelis para 50 contests dey 19 goals score kurishey.

Tai para Panathinaikos logot 2013-14 dey Greek Cup jitishey. Piche dey, tai Greek club PAOK logot 2018-19 dey tuita titles

jitishey (Super League Greece aro Greek Cup).

Karelis toh alag Greek club Panetolikos logot milina thakishey, kutey tai 2022-23 dey season laga khiladi adjudge kurishey.