July 11, 2024: July 2024 mohina karne, Pughoboto Sub-Divisional District Planning & Development Board (SDPDB) meeting tho DB Hall, ADC Office, Pughoboto jaka deh lui shae, July 10, 2024 din deh. Etu meeting tho MLA, Dr. Sukhato A. Sema para chair kuri shae. Tai para office headquater deh officers aro staffs kan taki bole zaruri ase kui shae, government functionaries laka proactive functioning tho ensure kuri bo karne. Chairman para concerned authorities aro departments kan proper school maintenance ensure kuri b kui shae aro alak alak development projects kan tho timely implement kuri b kui shae.
Schools laka agenda adoption deh kotha kura time deh, ADC & Vice Chariman, Tiameren Chang para SDPDB members kan, aha SDPDB meeting naha agae deh, respective adopted schools kan visit kuri b kui shae aro reports tho accordingly submit kuri b kui shae. Board para Pughoboto deh Post office set up kuri bole propose kuri shae, subdivision karne ekta distinct PIN Code enable kuri bole. Board para Inspector, Food & Civil Supplies laka post b propose kuri shae, subdivision deh.
Subdivision deh nutun ADC Office Complex aro first State Bank of India Branch laka dual inauguration tho October mohina, 2024 deh schedule ase. Aro MLA & Chairman para concerned department kan keh, electricity aro water connection tho phat nutun ADC complex lokot deh connect kuri b kui shae aro members kan keh taikan laka positive cooperation d b kui shae.
(Kaholi, APRO Pughoboto)
Add Comment