Congress para BJP MP Kangana Ranau keh slam kuri shae

July 12, 2024: Thursday din deh BJP MP aro Bollywood actress Kangana Ranaut para reporters kan keh, Mandi laka constituents kan para taikan laka Aadhaar card kan dikai leh he mili bo kui shae. Taila Jan Samvad Kandra launch kura time deh, Mandi MP para manu kan, taikan laka Aadhar cars kan, taike dika bole lakeh kui shae. Tai para etu tho Himachal Pradesh deh tourist kan bishi taka karne ase kui shae aro tai motot  nakura time deh, manu tho jaka laka resident ase nah nai, etu jani bole mun jai kui shae, Times of India para report kuri shae. Ranaut para move tho local manu kan karne duk tho komti kuri dibo kui shae. Tai para manu kan, taike namila time deh, kile taike visit kuri ase, etu paper deh liki bole lakeh kui shae. Ranaut para reporters kan keh, tai Lok Sabha MP taka karne, taila kam tho khali local assembly aro panchayat mamla deh heh nahoi kui shae. Tai para itia tho taila kam, national level issues kan keh address kuri bole laka deh b ase kui shae. Tai para taila constituents kan keh, taila role laka pitor deh aha mamla kan tho, taila attention deh ani b kui shae, tai broader issues kan keh b address kuri bo karne. Ranaut laka remark tho Congress leader Vikramaditdya Singh kushi pa nai aro tai para Ranaut keh b criticize kuri shae. Singh para etu kui shae,” Ami kan, manu kan laka representatives ase. Etu karne, mukan laka responsibility ase, state laka sob section lokot deh mili bole.” Tai para manu kan taike, taikan laka problems deh kotha kuri bole mun jai leh, taikan, taikan laka Aadhar card ani bole nalageh kui shae.