Look East Policy tho itia Act East Policy taki bo: Scindia

July 12, 2024: Union minister for communication and development of northeast region (DONER) Jyotiraditya Scindia para Friday din deh, tai tho region laka overall progress karne facilitator hobo kui shae. “DONER Minister taki nah, etu tho muila first visit ase. Hoile b, etu region lokot deh ami, kara aro purana ties ase. Prime Minister Modi laka vision, kuto ‘purbodoy’ (Rise of the east) ase, etu region karne, Etu tho India laka progress karne gateway bana bole, muila resolve ase.” Scindia para media persons keh kui shae. “Mukan laka Look East Policy tho ita Act East Policy ase aro itia tho northeast tho utu policy karne ekta pivot taki bo. Muila role tho facilitator laka role taki bo. Sob state laka aspirations tho reality deh bana bole,” Scindia para kui shae. Union Minister para tai, northeast deh taka state aro alak state government karne policies aro projects kan sabo kui shae. “Northeast tho mukan laka age old ‘Sanskriti’ (Culture), mukan laka age old ‘Sanksar’ (Manners), mukan laka cultural vibrancy laka ekta repository ase. Utu repository tho dunia keh dika bo lakeh aro dika bo,” tai para kui shae.