Anand -Radhika laka wedding deh gatecrash kura karne tuijun arrest hui shae

July 14, 2024: Anand Ambani aro Radhika Merchant laka high profile wedding keh gatecrash kuri bole koshish kura karne tuijun manu keh arrest kuri shae, police para Sunday din deh kui shae. Arrest kura manu tho Venkatesh Narasaiya Alluri aro Lukman Mohammad Shafi Sheikh ase kui nah identify kuri shae. Alluri tho ekta 26 sal laka YouTuber ase aro Sheikh tho ekta self proclaimed businessman ase, kun Andhra Pradesh para ahi shae. “Taijun keh b Mumbai laka BKC police para custody deh lui jai shae. Taikan laka against alak alak cases register kuri nah ase. Taikan Andhra Pradesh para ahi shae, wedding keh attend kuri bole. Police para accuse keh notice di nah release kuri di shae aro tuita case deh b legal action lui ase,” police para kui shae. Anand Ambani aro Radhika Merchant laka wedding tho ekta grand spectacle ase kuto Mukesh Ambani para host kuri ase. Mukesh Ambani tho Asia laka sobse duni manu ase aro etu weddint tho global celebrities, business magnates aro political figures para attend kuri shae.