Bomb threat piche deh Mumbai police kan extra precaution lui ase

July 15, 2024: Ekta X user para ekta suspicious post banai shae, Ambani wedding deh bomb ase kui nah. Enaka hua tho Mumbai Police kan utu X user laka identity establish kuri bole koshish kuri ase. Ekta senior police officer para Sunday rati deh cops police kan post laka jani ase kui shae, hoile b etu tho ekta hoax ase kui shae. Police para hoile b chances kan ek ulua nai aro Anant Ambani aro Radhika Merchant laka grand wedding osor deh security uthai di shae. Anant Ambani aro Radhika Merchant, kun industrialist Viren Merchant laka bacha ase, taikan ekta glitzy ceremony deh knot tho bandi shae, Bandra-Kurla Complex laka Jio World Convention Centre jaka deh. Ekta X user @FFSFIR para etu liki shae X deh,”Ekta papna mui laka mun deh ahi shae. Ambani laka wedding deh bomb buti leh tho ki hobo. Dunia laka atha tho ulta hui jabo. Crore nishi nah poisa kan, ekta pin code deh.”