Utah, 15 July : Wisconsin para ekta 52 saal mota aro tai laga 23-saal maiki bacha taijun Utah laga Canyonlands National Park dey harina extreme garmi dey paani khotom hui jaa karoney murishey. Taijun toh 100-degree Fahrenheit (37.7 degrees Celsius) dey hike kuri thakishey, New York
Post dey ekta report hisab dey.
National Park Service rangers para Friday afternoon dey report kurishey ki, Sky neighbourhood laga Canyonlands’ Island dey kunwa paea 911 ke text kurishey San Juan County dispatchers ke. Itu emergency call pai piche dey, Bureau of Land Management laga Moab District Helitack laga official khan itu baab aro maiki bacha ke bisarishey.
Huilewi, taijun ke pai time dey, taijun murina thakishey, National Park Service hisab dey.
Itu tragedy para National Parks dey itu summer sobse recent maut mark kuri asey. Arizona laga Grand Canyon National Park dey, bishi hikers kun triple digits dey temperatures karney taiyar thakianai
taikhan murishey. California dey ekta motorcyclist, Death Valley dey jaan jaishey kitia mercury 128 degrees Fahrenheit pahunjishey.
National Park Service laga Rangers para manu khan ke paani bishi logot hike kuriboley encourage kuri asey aro afternoon dey hike nakuriboley kitia temperatures bishi thakey.
Add Comment