J & K laka Doda deh hua fresh gunfight deh tuita soldiers jokom kai shae

July 18, 2024: Thursday din deh, terrorist aro security forces majo deh ekta gunfight hui shae, Jammu & Kashmir laka Doda district deh aro etu gunfight deh tuita soldiers kan jokom kai shae. Ekta police officer para search operation aro Kastigarh deh ekta suspicious movement keh follow kura time deh, fresh gunfight trigger hui shae kui shae. “Terrorist, kun kan goli mari shae, taikan lokot deh contact banai shae. Fight laka shuru deh, tuita soldiers kan jokom kai shae,” officer para kui shae. Tai para soldiers kan keh, ekta osor hospital deh shift kuri di shae kui shae. Kastigarh gunfight deh taka terrorist kan aro Monday din deh hamla kura manu kan tho eki ase kui nah biswas ase. Utu jaka deh additional reinforcement kan patai nah ase aro ekta Showket Ali keh b arrest kuri nah ase, Desa hamla nahua time deh, terrorist kan keh kha saman aro shelter dia karne. “Ali laka ghor deh bua terrorist kan para Monday laka hamla tho kuri shae nah alak group para kuri shae, etu tho itia b clear nahoi,” ekjun manu para kui shae.