Sonakshi Sinha para koisey ki Heeramandi laga ageyte kun para bi taikey serious luwanai

New Delhi, July 18 : Actor Sonakshi Sinha para share kurisey ki Sanjay Leela Bhansali para tailaga first web series ‘Heeramandi: The Diamond Bazaar’ te taikey luwa ageyte kun para bi taikey serious luwanai. Ekta interview te, tai para etu bi question kurisey ki ekta actor kitya girl-next-door (sundur chukri), ekta bhal girlfriend aro bhal maiki hobo paribo. Sonakshi Sinha para koisey, “Ami bisi khusi asey ki kunba para amikey enaka roop te dikhisey. Sanjay sir para amikey enaka role te saisey. Ami taikey bisi dhanyabad asey. Ami poila para etu bi koi asey ki ami ekta negative, gunda aro dimak thik nathaka laga character play kuribole iccha asey.” Tai para koisey, “Sanjay Leela Bhansali para amikey Fareedan laga role te nuluwa tak kun para bi amikey seriously luwanai. Kilemaney ekta actor hoikina, enaka challenge lobole aro kiba alag kurikina dikhabole bisi bhal asey. Kitya tak apni ekta sundur chukri, bhal girlfriend, bhal maiki laga role play kuribo? Toh ami nimitey enaka role kora tu bisi moja laga kotha thakisey.” Sonakshi ke akhri bar Kakuda film te Riteish Deshmukh aro Saqib Saleem logotey  dikhisiley.