Washington, 18 July : US President Joe Biden para Thursday dey kuishey ki tai additional 35,000 Americans laga loans ke cancel kurina tai laga student loan forgiveness program ke extend kuri asey kitia tai reelection bisari asey.
Itu latest move – student debt dey $1.2 billion – 4.76 million manu ke ani asey kun taikhan laga various debt relief actions para benefit kurishey.
Itu borrowers, kun debt cancellation dey average $35,000 pawo, teachers, nurses, police officials, aro first responders milaina asey.
Itu announcement toh Milwaukee dey Republican National Convention laga final din dey ahishey, kutey Donald Trump para November election karney Republican nomination ke accept kuribo.
Itu saal agey dey Biden para millions Americans laga student loan debt ke komti kuriboley fresh plans thakia janai dishey, jawaan voters laga dil jitiwoley tai laga bid dey.
Itu toh conservative-dominated US Supreme Court para jaa saal Democrat laga earlier proposals ke strike down kuria
piche dey thakishey, kuntu several hundred billion dollars laga debt cancel kuriboley thakishey.
Jaa mahina tai para 160,000 manu laga debt clear kurishey, kitia itu saal agey dey tai para 150,000 alag karney student debt relief janai dishey.
Add Comment