Ram Charan tu Indian Film Festival of Melbourne te award pabole asey

New Delhi, July 19 : Ram Charan tu etu saal 15^th Indian Film Festival of Melbourne (IFFM) te guest of honour hobole asey. Etu festival tu Victorian State Government para hodai saal host korey. Etu festival tu etu saal August 15 para 25 tak hobole asey. Ram Charan tu etu festival te India cinema te tailaga contribution thaka nimitey ekta award bi pabole asey. Indian Film Festival of MelbourneIFFM) laga official social media page para X(poila te Twitter) te etu news announce kurisey. Etu film festival te Ram Charan tu Ambassador for Indian Art and Culture laga award pabole asey. Etu festival te tailaga film industry laga journey ke celebrate kuribole nimitey tailaga kunba mashoor film wapas dikhabole asey. Ram Charan laga team para share kora ekta press note te, tai para etu festival attend kuribole excited thaka tu jataisey. Ram ke akhri bar bisi successful huwa film RRR te dikhisey. Kuntu ke SS Rajamouli para direct kurisiely. Etu film laga ekta gana Naatu Naatu bi ekta Golden Globe aro ekta Oscar jitisiley. Etu laga bari te kotha kurikina Ram Charan para koisey, “RRR laga success aro duniyabhor te etu para morom pa tu bisi dangor asey. Aro ami etu moment ke Melboune te audience logotey share kuribole bisi khusi asey. Ami Melbourne te amikhan laga desh laga flag ke hoist kuribole(upor utha) laga moka pa nimitey khusi asey.” Ram Charan ke next Shankar laga Game Changer film te dikhibole asey Kiara Advani logotey. Tai Sukumar laga alava Buchi babu Sana aro Janhvi Kapoor logotey bi ekta film te kaam kuribole asey.