July 19, 2024: Kunba miscreant khan para Ankit Transport laga employee ke muraboley karney attempt kurishey. Itu victim laga naam toh hoiley Rameshwar Sharma asey koishey, kun toh hoiley 49 saal laga mota manu asey. Itu ghatna hoa toh hoiley, Ankit Transport Office tey hoa laga asey koishey, NST Colony, Dimapur tey, 6:30 PM tey nishina, July 18, 2024.
Itu victim toh hoiley tai laga left theng tey guli khaishey koishey; victim ke District Hospital para discharge kurishey, July 19th, 2024 tey, 6:00 AM tey.
NST colony laga chairman para itu guli mara kuria ghatna opor tey condemn kurishey; tai para CSO khan & Concern Authority khan ke appeal kurishey, eneka nishina violence khan ke khotom kuriboley. Victim ke Nikos Hospital tey shift kurishey koishey, July 19th tey, 9:00 AM phaney aru tai ke surgery kuri asey koishey.
Itu victim laga gaaw tey para ekta guli hatai dishey tai khan laga theng para; victim toh hoiley olop aram hoi kena asey koishey.
Add Comment