July 20, 2024: Biss Boss OTT 3 para eliminate hua piche deh, Payal Malik para tai aro taila kandan ki hate pai ase, etu deh kotha kuri shae. Tai para Friday din deh ekta vlog share kuri shae, kuteh tai para, tai polygamy tho kushi napa hui shae kui shae aro Armaan Malik keh divorce kuri bo kui shae.
“Mui drama lokot deh kotom hui shae. Mui keh heh ase koile tho eku nahoi. Hoile b muila bacha laka upor deh b hate tho ahi ase. Etu tho shocking aro ekdum disgusting ase. Mui etu reason karne Armaan lokot deh rasta chari bole decide kuri shae. Tai Kritika lokot deh taki bo pari bo, mui bacha kan keh sah time deh,” Payal para hindi deh kui shae.
“Mui jane, Golu tho Zaid nata kileh tho nata kibo kui nah. Etu karne, tai Golu keh rakhi bo pari bo aro mui, ami laka teentha bacha lokot deh chari bo. Manu kan polygamy lokot deh kushi nahoi aro mui hate pah tho ekdum napara hui shae. Mui keh alchi kuri di ase. Mukan teenjun b separate hobo lageh, nahoileh mui olai jabo. Bahar deh ki hui ase, taikan etu tho najaeh. Mui ki hui ase, jani ase. Mui kitia b enaka hate tho panai. Eman trolling, eman abuse kura tho. Muila decision tho confirm ase. Mukan laka bacha kan keh enaka face kuri bo dibo nalageh. Muila parants kan utu afford kuri bole pari bo,” Payal para kui shae.
Add Comment