Diljit Dosanjh laga ‘Sardaar Ji 3’ laga release date olaisey

New Delhi, July 21 : Actor-musician Diljit Dosanjh para Sunday (July 21) te tailaga Punjabi horror comedy film ‘Sardaar Ji’ laga third part announce kurisey. Etu film laga title tu Sardaarji 3 asey. Etu film tu duniyabhor te June 27,2025 te theatre te release hobole asey. Etu film ke White Hill Studios laga  Gunbir Singh Sidhu aro Manmord Sidhu para Story Time Productions logotey produce kuribole asey. Etu film laga first part ‘Sardaar Ji’ tu 2015 te release hoisiley. Etu te Diljit Dosanjh tu ekta bhoot aro sikari thakisey kunlaga naam Jaggi thakisey. Etu film te actor Mandy Takhar aro Neeru Bajwa bi thakisey. Etu picheyte Sardaar Ji 2 release hoisiley, kuntu te Diljit Dosanjh para triple role kurisey. Aro tai logotey Monica Gill aro Sonam Bajwa bi thakisey. Etu duita film (Sardaar Ji aro Sardaar Ji 2) ke bi Rohit Jugraj Chauhan para direct kurisiley. Dosanjh ke etya Jatt & Juliet 3 te dikhisey kuntu te tailpgotey Neeru Bajwa bi thakisey. Etu film tu theatre te June 27 te release hoisiley. Aro box office te Rs 100 crore opor kamaisey. Diljit Dosanjh ke Imtiaz Ali laga musical biopic Amar Singh Chamkila aro Crew film te bi dikhisiley.