Bangladesh unrest: Bengal para helpless manu kan keh shelter dibo

July 21, 2024: West Bengal chief minister Mamta Banerjee, kun laka state Bangladesh lokot deh border share kureh, tai para Sunday din deh shelter offer kuri shae, neighboring country laka helpless manu kan karne. Neighboring country deh violent student-led protest kan hui ase aro etu protest tho taikan alal civil service reservation karne ase. “Mui Bangladesh laka affairs deh kotha kuri bole nalageh, kile koile etu country tho ekta sovereign nation ase aro ki kubo lageh, etu kan pura Centre laka subject matter ase. Hoile b mui apni keh etu ku bo, helpless manu kan mukan laka door deh knock kuri nah ahi leh, mukan taikan keh shelter di bo,” Banerjee para Annual Martyrs’ Day rally deh kui shae. “Etu tho United Nations laka resolution karne ase, kuto para opposite jaka deh taka refuges keh accommodate kuri b kui, jamala deh taki shae koile tho,” TMC supremo para kui shae. Banerjee para taila state laka residents, kun kan violence taka karne Bangladesh deh basi nah ase, tai kan keh full cooperation dibo kui shae. Bangladeshis kan kun West Bengal deh ahi shae aro wapas jab oleh duk pai ase, taikan keh b moto dibo kui shae tai para. Chief minister para aro taila manu kan keh bui naka b kui shae, Bangladesh deh taka situation karne.