US, 22 July : US President Joe Biden, Sunday dey ahi thakia presidential election para ulaishey aro Vice President Kamala Harris ke Democratic Party laga notun nominee nishna endorse kurishey. Itu announcement toh completely unexpected thakianai, especially Mr Biden upar dey pressure thakina, jaa mahina agey presidential debate dey tai laga biya performance piche dey. Itu maju dey, former President Donald Trump para Kamala Harris’ campaigns ke past donation kuria social media dey viral jai asey.
US laga 45th President para tai laga potential presidential opponent laga itu campaigns ke tuibar donate kurishey.
Financial records para dikhaishey ki September 26, 2011, aro February 20, 2013 dey, kitia Ms Harris toh California attorney general karney ekta candidate thakishey, Mr Trump para tai laga campaigns ke $5,000 aro $1,000 dishey.
Ivanka Trump, Mr Trump laga maiki bacha, agey dey Senator Harris’ campaign 2014 dey $2,000 donate kurishey, The Washington Post hisab dey. Ms Harris karney ekta representative para clarify kurishey ki tai para Trump ke itu donation magianai. Ekta 2020 Sacramento Bee report hisab dey, Ms Harris para ekta nonprofit organisation ke itu funds dishey kuntu para Central Americans karney civil aro human rights ke advocate kurey, Trump laga presidential campaign laga shuruwat homoi.
Newsweek dey ekta report hisab dey, Mr Trump para Democrats ke itu homoi bishi donate kuri thakishey. Tai para itu homoi laga senator Joe Biden laga campaign ke 2001 dey $1,000 dishey. 2002 dey, tai para New York State Democratic Party ke $5,000 donate kurishey.
Mr Trump para Andrew Cuomo ke bhi $10,000 donate kurishey, 2006 dey New York laga attorney general karney candidacy laga support karney aro Democratic Congressional Campaign Committee ke $15,000. 2010 dey, tai para Kristen Gillibrand laga campaign ke US Senate karney back kurishey.
Mr Trump para tai laga future opponent Hillary Clinton laga campaigns dey multiple donations kurishey, $2,100 aro $200 laga tuita contributions milaina,
respectively, 2006 dey aro 2007 d3y additional $600, OpenSecrets hisab dey. Itu logot, itu non-profit organisation para claim kuri asey ki tai para Clinton Foundation ke donations dey kom se kom $100,000 dishey.
