‘Joe Biden term keh kotom kuri bole unfit ase’: Trump

July 23, 2024: US President Joe Biden para tai, US Presidential race deh taila reelection bid para olai jai shae kui nah announce kuri shae. Tai para etu kwa piche deh, Donald Trump aro taila VP JD Vance para, Biden tho president karne bola bole napareh koile tho, tai taila baja term kotom kuri bole fit nahoi kui shae. JD Vance, kun Republican face karne Vice President ase aro Ohio para ekta senator ase, tai presidential candidate Donald Trump lokot deh ekta interview deh ahi shae, Fox News lokot deh. Tai para tateh Joe Biden laka against 25^th amendment invoke kuri bole lakeh kui shae, United States laka President seat para hata bole. Vance aro Trump, taijun, Jesse Walter laka ‘Primetime’ show deh ahi shae aro Joe Biden laka against hamla kuri shae. Taijun para b Biden tho taila baja term serve kuri bole nalageh kui shae. JD Vance para Biden unfit ase kui nah kwa time aro 25^th amendment invoke kuri bo lageh kwa time deh, Trump tho chup chap tai lokot agree kuri taki shae. “Joe Biden, president karne bola bole napari leh tho, tai president serve kuri bole napari bo. Aro tai serve kuri bole mentally thik nai koile tho, 25^th amendment keh invoke kuri b,: Vance para ekta interview deh kui shae.