Bangladesh para Banerjee laka shelter offer deh react kuri shae

July 24, 2024: Tuesday din deh Bangladesh government para taikan, Indian government keh ekta note patai shae kui shae. Etu note tho West Bengal chief minster Mamata Banerjee laka statement upor deh, kun para neighboring country para aha helpless manu kan keh shelter offer kuri bo kui shae. Bangladesh foreign minister Hasan Mahmud para Mamata Banerjee laka remarks tho confusion ban abo pareh kui shae aro manu kan keh mislead kuri bo pareh kui shae, “Chief Minister Mamata Banerjee keh respect di nah, mui et kubo munjai. Mukan tai lokot deh ekdum bhal relations ase. Mukan lokot deh deep relations ase. Hoile b taila remarks para confusion banai shae aro mislead hobo leh scope ase,” Hasan Mahmud para kui shae, united News of Bangladesh para report kuri shae.