IMDb para 2024 laga sobsey intazar thaka aro popular Indian movie laga rank announce kurisey

New Delhi, July 23 : Indian cinema para 2024 te commercial film hit huwa dikhisey, box office te kinaka perform kurisey koilebi. Etya karney 2024 laga sobsey popular Indian movie tu Kalki 2898-AD asey. Pushpa: The Rule- Part 2 tu December 6 te release hobole asey. Etu saal nimitey etu film tu sobsey bisi manu khan para sabole rukhi thaka film asey.

IMDb(Internet Movie Database) tu movie, TV serial aro celebrity khan laga jankari pabole laga ekta sobsey popular source asey.Aro etu source para 2024 laga etya tak laga sobsey mashoor Indian movie laga list announce kurisey. Etu list te sobsey first Kalki 2898 AD asey. 2^nd te Manjummel Boys asey. 3^rd te Fighter. 4^th te Hanu Man. 5^th te Shaitaan. 6^th te Laapataa Ladies. 7^th te Article 370. 8^th te Premalu. 9^th te Aavesham aro 10^th te Munjya asey.

Kalki 2898 AD laga director Nag Ashwin para IMDb logotey kora ekta interview te koisey, “IMDb list te aha tu amikhan laga pura team nimitey bisi dangor kotha asey. Etu para duniyabhor te amikhan laga audience laga morom dikhai asey. Etu para amikhan ke boundary laga agey barithakibole inspire kuri asey.”

2^nd rank te aha Manjummel Boys laga director Chidambaram para IMDb ke koisey, “Manjummel Boys tu dosti laga kahani aro ekta survival thriller asey. IMDb ke etu somman diya nimitey dhanyabad asey aro amipara duniyabhor te etu film sa manu khan ke mon para dhanyabad dibole mon asey taikhan laga morom aro support nimitey.  Etu kamyabi hasil kora tu pura cast aro crew para mehnat aro mondikina kaam kora laga natija asey, kun para etu film laga jadu ke zinda kurisey.”

Aro manu khan para sabole sobsey bisi intazaar kora etu saal laga Indian film laga ranking te sobsey first Pushpa : The Rule- Part 2 asey. Etu picheyte Devara Part 1, Welcome to the Jungle, The Greatest of All Time, Kanguva, Singham Again, Bhool Bhulaiyaa 3, Thangalaan, Auron Mein Kahan Dum Tha aro Stree 2 asey.