July 23, 2024: Dimapur – based doctor- Mujibur Rahman kun toh hoiley ekta senior consultant gynecologist aru IVF specialist asey, Pratiksha Hospital, Guwahati tey, tai ke bishi majetey tai bhi ekta best doctor hisap recognize kurishey, itu gynecology laga field aru IVF (Test tube baby) tey, National Doctor’s Day laga occasion tey.
Itu award toh hoiley tai laga outstanding contribution khan acknowledge kurey, gynecology, infertility aru IVF treatment khan laga. Dr. Rahman itu award receive kurishey, tai laga exceptional kaam nimitey, itu IVF aru Infertility laga field tey, itu Northeastern region tey, cutting-edge technology khan introduce kuria nimitey, infertile couple khan ke benefit kuriboley itu North East tey.
Itu jawa 20 saal para Dr. Rahman toh hoiley bishi infertile couple khan ke successful para treat kurishey, ekta high success rate logotey. Dr. Rahman toh hoiley Dimapur para asey koishey aru tai school puria toh Holy Cross School tey para purishey koishey, 3rd rank secure kuri kena, Nagaland Board tey, 1982 tey. Tai tai-laga MBBS toh Silchar Medical College tey para complete kurishey, aru tai laga MD toh hoiley Assam Medical College, Dibrigarh para khotom kurishey.
Add Comment