July 23, 2024: Eastern Sumi Student’s Union (ESSU) para toh hoiley itu Boarder Roards Organization (BRO) ke appeal kurishey, phat para intervene kuriboley aru address kuriboley karney, itu raasta laga condition toh biya hoa nimitey, Aghunato town aru Zunheboto majetey- kuntu toh hoiley main lifeline asey, itu district headquarter khan ke connect kuria laga.
Ekta representation address tey, itu chief engineer, HW CE (P) SEWAK ke, itu ESSU laga president -Kimiyeto Z Achumi aru general secretary Tunavi G Assumi para point out kurishey ki, itu raasta toh hoiley black-top thakishey 10 saal hoi jaishey itu toh. Itu union para state kurishey ki, itu 35 km lamba raasta toh hoiley 2-3 ghanta lagey jaboley, Zunheboto para Kohima tey jai thaka nishina.
ESSU para state kurishey ki, itu raasta toh hoiley pura chenda- gudda khan para bhorta asey, kuntu para toh gari khan bishi biya hoi jai thakey aru biya para accident khan bhi hoi thakey. Koishey ki, tatey toh hoiley eku naala khan nishina nai itu raasta osor khan tey pani khan jaboley, itu union para BRO ke urge kurishey itu nimitey drainage system khan thik thak para banaboley aru raasta khan bhi biya hoi thakiley banai thakiboley koishey.
Add Comment