Manipur: Govt official residence deh goli mari shae

July 25, 2024: Najana manu para Manipur Consumer Affairs Food and Public Distribution (CAF and PD) director laka ghor deh goli kan mari shae, police para Thursday din deh kui shae. Police para aro incident deh kun b jokom kah nai kui shae. Incident tho Wednesday din, 10:30 pm nishi nah deh hui shae, Singjamei Police Station laka jurisdiction lah pitor deh. Director, CAF aro PD Robertson Asem para eku warning kan pah nai kui shae, organisation nahoi leh b manu laka hath para. “Mui itia b confuse ase, hamla tho kile hui shae aro kun para kuri shae kui nah.” Police para incident tho CCTV footage deh duri shae kui shae. Footage deh tuita manu, Pishum Ningom Leirak laka east side phale ahi shae kui shae aro director laka ghor deh 4-5 rounds mari shae kui shae. Taijun tho incident hua piche deh phat polai jai shae. Police para hamla deh ekta buka Alto gari damage hui shae kui shae, 4-5 bullet marks para. Police para Singjamei Police Station deh ekta case register kuri nah ase kui shae aro etu mamla deh investigation launch kuri nah ase kui shae.