Tuita Indian astronaut kan NASA laka Johnson Space Centre deh training lubo leh ase

July 25, 2024: Tuita Indian astronauts kan, National Aeronautics and Space Administration (NASA) laka Johnson Space Center deh training lubo leh ase, August mohina laka shuru deh, Indian Space Research Organisation (ISRO) para kui shae. Etu Space Center tho Texas laka American state deh ase. President Joe Biden para June mohina deh, International Space Station (ISS) deh ekta Indian astronaut keh pat abo kui nah plans tho announce kuri shae. Etu plan tho tai, Prime Minister Narendra Modi laka visit time deh kui shae, US dh. Ekta astronaut, kun agae deh Moscow laka Yuri Gagarin Cosmonaut Training Centre deh basic training pai shae, tai India-USS mission deh jab oleh ase, ISS deh. American private firms SpaceX aro Axiom para mission keh execute kuri bole expect ase, 2024 deh tho. Former ISOR Chairman K Sivan para mission tho Indian astronauts keh expose kuri bo kui shae, nutun technology keh. “Etu tho Gaganyaan program karne ekta zaruri step ase,” tai para kui shae. Gaganyaan mission tho 2026 sal deh hobo leh expect ase. Group captains Prashanth Nair, Ajit Krishnan, Angad Pratap, aro Wing Commander Shubhanshu Shukla keh select kuri nah ase, mission karne.