New Delhi, July 25 : Paris laga Grevin Museum te Shah Rukh Khan laga ke ekta khas coin dedicate kurisey. Enaka kurikina Shah Rukh Khan tu enaka dedicate kora first Indian actor hoikina etihas banaisey.
The Musee Grevin tu Paris te thaka ekta wax museum asey. Etu tu South Korea laga Seoul te bi asey.
Shah Rukh Khan laga ekta article bi viral hoi asey. Etu article ke New Yourk laga mashoor entertainment-and-culture magazine para publish kurisey. Etu article tu Shah Rukh Khna laga career suru hoi thaka homoi laga bari te koisey. Kinaka tai ekta outsider(bahar laga manu) para Bollywood laga manu hoijaisey. Shah Rukh Khan laga journey tu mushkil homoitey bi agey barithaka aro bisi bhal huwa laga sabut asey.
Etu article te khali SRK laga lamba career laga bari te kuwa hey nohoikina bisi saal para ‘Brand SRK’ chulikina ahithaka laga bari te bi koisey.
Etu article te enaka likhikina thakisey ki SRK tu chameleon nisna bodli hoija aro sensual asey. Interview aro social media te bi tai eku golti nukurikina thanda aro nomrota kurikina thakey.
Add Comment