July 25, 2024: Nagaland Power Solutions & Machineries outlet aro Honda laka authorized dealer, India Power Products Ltd. (Sales, Services & Spare parts) keh officialy inaugurate kuri shae, 24th July 2024 din deh.
Inaugural program deh Nagaland State Chief Information Commissioner, I. Meyionen Jamir tho special guest taki shae. Taila address deh, tai para proprietor, Imsujungla Jamir keh praise kuri shae, unemployment laka backdrop laka against ekta business deh gusi nah, ekta kara initiative lua karne. Tai para 31/03/2024 din deh 71,322 job bisara manu ase kui shae. Onen para Honda Company para aha representatives kan keh acknowledge kuri shae, biswas taka karne aro Imsujungla keh company products laka official Authorized dealer hobo leh recommend kuri karne.
Honda company laka nam deh Chief manager Honda, Pranmoy Bordoloi aro Deputy manager Honda, Rupam Ojha para short speeches kan di shae. Etu piche deh Honda company products kan display kuri shae.
Nagaland Power Solutions & Machineries tho ekta Honda product outlet ase aro etu jaka tho Nagaland hospital Authority, Nagaland laka jaka osor deh ase. Company laka products kan tho Brush Cutters, Tillers, Water Pumps, Lawn Mowers and Portable Generators etc. kana se.
(khekiya IA, DIPR)
Add Comment