July 27, 2024: West Bengal chief Minister Mamata Banerjee, tai, NITI Aayog laka 9th governing Council meeting para olai jai shae. meeting tho Saturday din, July 27 din deh taki shae, New Delhi. Mamta para taike khali pas minute karne kotha kuri bole di shae kui shae. NITI Aayog meeting tho Prime Minister Narendra Modi para char kura ase.
“Mui apni khe kui shae nah. Central Government kan state government laka against discriminate kuri bole nalageh. Mui kotha kuri bole mun jai taki shae, hoile b muila mic keh mute kuri di shae. Mui keh khali pas minute karne kotha kuri bole di shae. Muila agae deh kotha kura manu kan tho 10-20 minutes karne kotha kuri bole di shae,” Mamata Banerjee para reporters kan keh kui shae.
“Opposition laka side para khali mui heh participate kuri taki shae, hoile b muike kotha kuri bole dia nai. Etu tho insult ase,” bengal chief minister para kui shae.
Opposition ruled states kan bishi, meeting keh boycott kuri bo kui nah announce kuri shae. teentha Congress ruled states laka Chief minister – Karnataka laka Siddaramaiah, Himachal Pradesh laka Sukhvinder Singh Sukhu aro Telangana laka Revanth Reddy para taikan, meeting keh attend nakuri bo kui nah announce kuri shae. Taikan para, Union Budget 2024 deh taikan lah states laka against bias taka karne attend kura nahoi kui shae.
Tamil Nadu laka chief minister, DMK leader MK Stalin, Kerala chief minister Pinarayi Vijayan, Aam Aadmi Party-led Punjab aro Delhi governments para taikan b meeting tho boycott kuri bole ase kui shae.
Add Comment