July 27, 2024: Itu Kohima Ao Pensioner Telongjem (KAPT) laga 2nd General Meeting loishey, itu ‘How to live a Healthy Life Physically, Mentally and Socially’ laga theme under tey, kuntu toh hoiley Molu Ki, Merhulietsa, Kohima tey para loishey, 26th July, 2024 tey.
Dr. Tali Longkumer, Consultant Gastroenterologist, Dimapur kun toh hoiley itu theme opor tey kotha kurishey, tai para emphasize kurishey ki, ekta bhal physical health thakiboley aru health laga problem khan avoid kuriboley, manu khan toh hoiley physical para active thakiboley lagey, regular exercise khan tey engage thaki kena, ekjon ekjon laga energy, stamina improve kuriboley, fat khan komti kuriboley, hardi khan tan kuriboley aru chinta bhabana para free thakiboley lagey balance diet khan maintain kuri thaki kena aru thik thak para ghumaboley lagey.
Er. Lanu Toy, Rtd. Chief Engineer laga exhortation speech tey, koishey, retirement toh hoiley end nahoi, hoilebi itu toh hoiley shuru hoa laga asey notun jeevan laga, notun responsibility laga, itu family, society aru community tey serve kuriboley laga. Moi khan laga kaam toh khotom nahoi, moi khan zinda thaka tak, bacha para dangor hoa tak, tai para koishey.
Itu programme laga homoi tey, Dr. Watijungshi, President KAPT para ekta welcome address dishey, aru N. Wati Atsongchanger, Assistant General Secretary KAPT para vote of thanks janaishey. Limawati Longchar, General Secretary, KAPT para secretary report present kurishey aru Ajung Amer para itu Audit Report announce kurishey.
Add Comment