Varun Dhawan IFFI 2018 te

Goa November 20th te  International Film Festival of India (IFFI) shuru kuribole ase .Poila sal nishena etu sal te bi  alag alag Indian aro International  film khan dikhabole ase etu film festival te. Actor Varun Dhawan-starrer October bi dikhabole ase  Panorama Section te.Etu actor  Goa te jabole ase  November 23^rd te etu festival sabole nimete .Etu actor bishi khushi paikena koishe “Etu mui laga baba pora khobor dishe ki October film ke chunishe  IFFI laga Panorama Section te thakibole nimete  .Bhal kotha koile toh etu film ola pichede  bishi manu mui logote ahikena kotha kurishe etu film pora kinika mui laga mon chuishe  hoilebi tai khan biswas thaka nai kinika enika nishena film India te bonaishe ,Etu bishi bhal kotha ase dusra film khan nishena etu film bi  dikhaishe etu sal te .”Etu actor ke kun pora bishi bhal pora perform kurishe Soorjit Sircar directorial te koishe “Mui bishi khushi ase aji manu khan etu film toh online sabole pariase  .Bishi actors khan mui ke koishe  tai khan laga hikaah teachers khan pora etu film laga kunba scenes khan dikhaishe  .Etu toh bishi mon chuwa laga kotha ase  hoilebi mui eman acting kuranai .Shoorjit pora etu film bonaishe .”