Akshay Kumar aro Arshad Warsi laga Jolly LLB 3 laga release date olaisey

New Delhi, July 28 : Subhash Kapoor para direct kora film Jolly LLB 3, kuntu te Akshay Kumar aro Arshad Wrsi eksath ahibole asey, etu film tu April 10, 2025 te release hobole asey. Etu film laga jankari thaka ekta source(khobor diya manu) para koisey ki etu film laga makers khan poila para etu film ke Summer 2025 laga homoitey release kuribole laga bari te sure thakisey. Aro homoi nefelaikina release laga tarik April 10, 2025 te set kuridisey. Etu film tu 2025 laga April 10 ( Thursday din) te Mahavir Jayanti laga din te release hobole asey aro April 14 (Monday din) te Ambedkar Jayanti Holiday laga bi faida pabole asey. Etu source para agey barikina janaisey ki Jolly LLB 3 laga shooting tu khotom hoijaisey. Aro etu film tu etya post-production (shooting khotom hoikina video aro awas khan edit kora) stage te asey. Aro koisey ki etu film tu cinema te ja audience khan nimitey bisi bhal entertainer asey. Etu film te Akshay Kumar aro Arshad Warsi tu court bhitor te ek-dusra laga against te thaka dikhibo. Aro Saurabh Shukla bi Jolly LLB 3 te judge laga role te wapas ahibole asey.  Jolly LLB 3 ke Cape of Good Films para Disney logotey produce kuri asey. Aro April 10, 2025 te pura duniya te release hobole asey.