Mota ekjun para 20 laka upor maike keh rob kuri shae

July 29, 2024: Maharashtra laka Palghar police para ekta mota, kun maike kan keh sathi laka nam deh, taikan laka saman kan chor kuri shae, taike arrest kuri di shae. Police laka isap deh, mota, kun laka nam Firoz Niyazi Sheikh ase, tai 20 laka upor maike kan laka poisa aro jewellery kan chor kuri shae. Ekta victim para accused laka against, Nalasopara police station deh complaint ekta lodge kura piche deh heh incident tho light deh ahi shae. Accused para allegedly fake online profiles kan banai shae aro bishi wak widow taka maike kan keh target kuri shae kui shae police para. Sheikh, etu maike kan keh online website para mili bo aro taikan laka hath para poisa bishi lui nah hari jai. Police para investigation tho shuru kura time deh, taikan laka hath deh accused laka photos aro contact number kan eku taka nai. Kile koile accuse tho taila phone number change kuri takeh. Hoile b police para Sheikh laka tactic tho chulai shae, taike duri bo karne. Officials laka isap deh, taikan online platform deh ekta fake maike laka profile banai shae aro taike contact kuri shae. Sheikh lokot deh kotha kan kura piche deh, police para taike Kalyan deh mati shae aro taike arrest kuri shae. Police para accused laka hath para Rs 3 lakh recover kuri shae. Taikan para maike kan laka ATMs, chequebooks, choitha mobile phone, laptops aro documents kan seize kuri shae, accused laka hath para.