July 29, 2024: Itu Principal- in- charge Government Polytechnic, Peren, Neikhrove Pfuno Government Polytechnic, Peren para toh hoiley notify kurishey, Government Polytechnic, Peren laga behalf tey ki, Admission khan toh hoiley khula asey, ek saal laga Certification nimitey, 29th July para 12th August, 2024 tak tey.
Tai khan para inform kurishey ki, itu programme study toh hoiley residential design, commercial design, software design, project management aru client interaction opor tey courses khan study offer kuri asey. Tai khan para aru bhi state kurishey ki, itu Government polytechnic Peren toh hoiley, itu Technical Education laga Directorate under tey asey aru itu toh hoiley approve kuridishey, itu state Council para, Technical Education Nagaland nimitey.
Itu Government polytechnic Peren toh hoiley 2021 tey establish kurishey, aru cutting – edge Technical Education provide kurey koishey, industry logotey, aru diploma programme opor tey focus kurey. Tai khan para itu bhi state kcurishey ki, itu experienced faculty khan aru modern facility khan bhi itu student khan ke impart kurishey, tai khan ke success achieve kuriboley aji kali laga competitive job market tey.
Tai khan para itu Peren District laga citizen khan urge kurishey, eke logotey haath milaboley, ekta bright future banaboley, technology aru innovation tey. Itu Polytechnic toh hoiley manu khan experts faculties logotey train kurey aru itu trainee khan industry ready karney modod kurey, affordable courses logotey aru Government Sugsidised fee khan logotey. Kiba aru bhi janiboley mon thakiley itu – 6003082358/ 8014811621 tey phon kuriboley paribo, nahoilebi http//gppnagaland.co.in tey email kuriboley paribo.
Add Comment