July 29, 2024: Itu Income Tax, North East Region (NER), Guwahati laga Principal Chief Commissioner laga Office para organize kuri kena, ekta interactive outreach programme loishey,29th July, 2024 tey, itu Mokokchung laga Deputy Commissioner laga Conference Hall tey para, kotey representative khan, NGOs, Business Community aru Entrepreneurs khan itu district para attend kurishey, itu programme tey.
Itu jama kuria manu sob ke address kuri kena, Income Tax NER laga Principal Chief Commissioner – Chaitali Panmei para koishey, judi bhi itu Section 10 (26), itu Income Tax Act 1961 toh Tax exemption nimitey provide kurey, itu North East India laga Tribal karney, tatey bishi shikhiboley baki asey, eneka hoiley he itu itu jaga manu khan toh financial para literate hobo paribo. Tai para koishey, aji moi khan itu guti toh dhali asey, Mokokchung tey, hoilebi olop saal pichetey manu khan realize kuriboley itu impact aru importance toh, itu interactive outreach programme laga, kuntu toh aji yatey loi asey aru keneka itu para benefit kurey manu khan ke tai khan laga kaam khan tey.
Mokokchung laga Deputy Commissioner – Thsuvisie Phoji para itu Income Tax laga official khan ke welcome kuri kena, tai khan laga Principal Chief Commissioner, NER para lead kuri kena, itu district tey, tai para tai laga appreciation aru grateful thaka laga bhi share kurishey, itu department khan ke, tai khan eneka nishina programme organize kuria nimitey, itu district tey.
Add Comment