Bengal Congress chief ke hatai dia dey Adhir Ranjan kuishey

West Bengal, 30 July : West Bengal Congress leader Adhir Ranjan Chowdhury para taike West Bengal Congress Committee laga President nishna hatai dia karney party high command dey dissatisfaction janai dishey. Delhi dey press logot khota kuina, Chowdhury para taike hatai dia laga timing aro manner upar dey tai laga uncertainty thakia janai dishey, suggest kurishey ki itu faisla toh advance dey panaina thakibo parey aro Monday dey ekta meeting homoi taike indirectly janai dishey. Tai para agey dey Kharge laga ekta television statement yaad kurishey, kuntu para Chowdhury ke hatai dia laga possibility indicate kurishey. Kolkata dey June 21 dey thakia ekta meeting homoi, kuntu Bengal Congress in-charge Ghulam Ahmad Mir aro alag Congress leaders para attend kurisshey, Bengal Congress laga working committee ke dissolve kuriboley ekta resolution pass kurishey, president laga post milaina. Itu huina ek mahina upar piche dey, July 29 dey ekta meeting luishey aro Chowdhury toh asorit huishey kitia Mir para taike meeting homoi “former president” kuina adress kurishey, kuntu homoi tai jani paishey ki taike agey dey notification nadina tai laga removal ke finalise kuri luishey. Ghulam Ahmad Mir, West Bengal laga AICC general secretary in charge, confirm kurishey ki Chowdhury toh Lok Sabha elections piche dey state unit laga president nishna resign kurishey. West Bengal Congress Committee karney ekta notun chief appoint kuriboley laga process itia chari asey.