Karnataka, 2 mahina dey bhari paarish karney 106 ghor biya huishey

Karnataka, 30 July : India Meteorological Department (IMD) para Wednesday karney Karnataka laga five districts dey red warning dishey. Dakshina Kannada dey itu alert issue kuria piche dey, itu district administration para educational institutions karney chuti janai dishey. Itu homoi, itu state dey 31 taluks karney potential landslide alert issue kurishey. Met Department para Shivamogga, Udupi, Chikkamagaluru, Dakshina Kannada aro Kodagu districts karne red alert issue kurishey, kitia tuita districts — Uttara Kannada, Hassan karney orange alert warn kurishey. Coastal Karnataka dey bhari paarish ahishey, kuntu karney severe waterlogging huishey. Dakshina Kannada district dey ghor khan Netravathi nodi brim tak uthia karoney paani dey submerge hui jaishey. National Disaster Response Force (NDRF) aro fire brigade teams ke itu jagah dey deploy kurishey aro rescue operations khan chuli asey. Dakshina Kannada disaster management team para release kuria date hisab dey, June aro July mahina dey itu bhari paarish para kom se kom five jun laga jaan luishey aro 106 nishna ghor khan phangishey. Five jun itu rain-related ghatna dey jokhum huishey. Karnataka government para itu manu khan ke accommodate kuriboley karney three relief camps khulishey kun shelter bisari asey. Itu data janai dishey ki kom se kom 100 jun shelter bisari khan suraksheet jagah dey lui jaishey.