Distribution Camp Loboley Asey, Kohima Tey, Person With Disability Khan Nimitey

July 31, 2024: Ekta distribution camp loboley asey, persons with disabilities (Divyangjan) nimitey, itu Disabled Persons for Purchase/Fitting of Aids and Appliances (ADIP) Scheme ke Assist kuriboley laga under tey, kuntu toh hoiley itu District Level Committee para organize kurishey, Disability opor tey, itu Artificial Limbs Manufacturing Corporation of India (ALIMCO) logotey collaborate kuri kena, itu Municipal Council Office Complex Kohima tey.

Deputy Commissioner, Kohima, Kumar Ramnikant (IAS) para, society tey aru bhi accessible banaboley laga importance emphasize kurishey, tai laga address tey.

Tai para state kurishey ki, equality toh hoiley accessibility nathaki kena achieve kuriboley kitya bhi naparibo, aru itu camp toh hoiley ekta chutu choilebi ekta significant step asey, ekta aru bhi inclusive society banaboley karney. Tai apra itu community ke urge kurishey, aru bhi husiyar thakiboley, itu disability thaka manu khan ki lagi asey itu khan opor tey.

Persons with Disabilities nimitey State Commissioner – Diethono Nakhro para itu assessment aru distribution camp laga significance highlight kurishey, itu disability sector ke support kuriboley, Kohima tey. Tai para explain kurishey ki, family khan kun laga ghor khan tey disable thaka manu khan asey, unique aru high coast face kuri asey, extra assistance lagi asey.

Nakhro para accessible school khan, classroom khan, aru playground khan khan laga importance stress kurishey, disable bacha khan ke ensure kuriboley, tai khan ke socialize kuriboley aru pura-puri participate kuribo diboley, community life tey.

Itu program toh hoiley Moasunep K. Jingru, EAC (Development) para chair kurishey, ekta invocation thaki kena, Nagaland State Disabilities Forum laga President – Vikengungu Fatima Kera para kuri kena. Itu event toh hoiley vote of thanks janai kena khotom kurishey, Ashe Kiba para, kun para toh hoiley tai laga gratitude express kurishey, itu disable community laga behalf tey para, itu ADIP team ke aru sob manu khan ke, kun khan toh involve thaki kena asey, itu camp ke ekta success banai diya karney.