State Government Para Ceasefire Monitoring Group/ Ceasefire Supervisor Board Logotey Matter Toh Loi Jaishey

August 04, 2024: Nagaland Government laga aru Minister for Power & Parliamentary Affairs laga spokesperson – K.G. Kenye para ekta press release tey state kurishey ki, itu State Government para toh hoiley notice loi kena asey, itu death threat khan aru capital punishment issue kuri kena thaka opor tey, K. Rulho ke, kun toh hoiley M/S KKB Rulho laga proprietor asey, itu NSCN (Khango) para. Tai para inform kurishey ki, ekta FIR toh hoiley phat para register kuridishey, itu NSCN (Khango) laga against tey, aru tai khan laga functionary khan laga against tey, appropriate law laga section khan laga under tey, itu crime nimitey. Tai para koishey ki, itu State Government para toh hoiley poila para sapha saphi koi kena asey, itu “shutter- down” hoa laga time tey para, itu business community para initiate kuria laga tey, Nagaland laga, April 2024 tey, ki, ki ki laga act khan, threat nahoilebi coercion hobi, faction khan ceasfire tey thakilebi, nathakilebi, itu khan sob toh criminal offence khan asey aru itu khan ke toh law laga hisap tey deal kuriboley asey. Itu State Government para same toh he aru bhi koi di asey, aru tai khan toh shanti aru tranquility ensure kuriboley asey, Nagaland tey, kuntu toh hoiley essential asey, economic development aru prosperity nimitey tai para koishey. Kenye para aru koishey ki, itu State Government toh hoiley itu matter toh itu Ceasefire Monitoring Group/ Ceasefire Supervisor Board laga Chairman logotey loi-jaishey, ensure kuriboley ki, itu NSCN (Khango) faction aru alag group khan toh itu ceasefire laga ground rule khan tey strict para adhere kuri kena thakiboley.