Coaching centre deaths: Supreme court para suo motu cognizance lui shae

August 5, 2024: Monday din deh Supreme Court para teentha civil services aspirants laka deaths deh suo motu cognizance lui shae, aro Centre aro Delhi government kan keh notice ekta issue kuri shae.  “Coaching centres kan aspirants, kun kan country laka alak alak jaka para ahi shae, taikan laka lives lokto deh kili shae,” Justices Surya Kant aro ujjal Bhuyan laka ekta bench para kui shae. Supreme Court, taikan laka observation deh, incident tho eye opener taki shae kui shae aro institute kan safety norms lokot comply nakuri leh tho operate kuri bole nadi bo lakeh kui shae. “Etu jaka kan death chambers hui aji shae. Coaching institute’s kan safety norms aro basic norms pura follow kuri shae koile heh online operate kuri bole pari bo. Coaching centres kan aspirants laka lives lokot deh kili ase, kun kan alak alak jaka para ahi ase,” bench para kui shae. Friday din deh, Delhi high court para Rau laka IAS Study Circle deh mura teentha student laka probe tho, Delhi police para Central Bureau of Investigation (CBI) laka hath deh transfer kuri di shae, investigation laka upor deh public kan eku doubt kan nataki bo karne.