August 05, 2024: Itu state laga rural area khan aru osor laga state khan laga bacha khan toh bishi vulnerable asey, trafficking hoi jaboley nimitey, ekta socio -economic factors aru systematic loophole khan thaka karney. Itu opor tey samjhai kena, Child Welfare Committee (CWC) Dimapur district member – Lozhua Kape para, Nagaland Post ke inform kurishey ki, itu bacha khan toh bishi bhak toh bosti bosti jaga khan para he thakishey, itu state bhitor tey nahoilebi osor laga state khan para city jaga tey ana laga thakey, eku legal documentation khan nahoilebi formal procedure khan nathaki kena.
Tai para koishey, itu bacha khan ke toh, misa laga koi kena loi kena aney, bhal life, education aru kunba homoi tey poisa bhi diboley laga, utu logotey he, kunba case khan tey, trafficker khan poisa khan bhi di kena thakey travel expenses, chutu mutu kharcha kuriboley, nahoilebi utu bacha laga family ke bhi olop solop poisa khan di kena phuslai loishey.
Add Comment