August 05, 2024: Itu ahi thaka 78th Independence Day celebrate kuriboley, Mokokchung tey, ekta grand manner tey, ekta consultative aru kaam khan distribute kuriboley laga meeting loishey, DC laga conference Hall tey para, Mokokchung district tey, 05th August, 2024 tey.
Itu house para itu kaam khan laga distribution opor tey discuss kurishey, alag alag department khan ke, itu celebration nimitey. Itu celebration ke commemorate kuri kena, alag alag institutional establishment khan toh hoiley District Hospital, District Jail aru Orphanage visit kuriboley asey. Itu din pura laga celebration toh hoiley Independence Day speech laga delivery para mark kuriboley asey, itu Chief Guest para, parade contingent khan para march pass kuri kena, cultural activity khan kuri kena, exhibition stall khan khulai kena, alag alag department khan para, tug of war match laga exhibition Mokokchung Municipal Council, Councilor khan versus Government Officer khan, aru itu pichetey football laga match khili kena, Mokokchung Football League 35+ aru DPDB XI majetey.
Deputy Commissioner, Mokokchung para inform kurishey itu sob head khan ke office khan laga, itu official banquet tey attend kuriboley mandatory asey koi kena. Itu meeting tey toh hoiley Deputy Commissioner Mokokchung, Thsuvisie Phoji; Mokokchung Police laga Superintendent – Vesupra Kezo aru itu district laga office khan laga head khan. Itu meeting toh hoiley SDO (C) Shelly Kaitry para chair kurishey.
Add Comment